MATESO YA WAKRISTO. Ni dhahabu safi motoni!

Bwana ndiye Mchungaji wangu sintapungukiwa na kitu…..uhisha nafsi yangu na kuniongoza katika njia ya haki kwa ajili ya jina lake …… Zab. 23…. Huu ni sehemu ya wimbo wa mtu mmoja jasiri aliyejibeba sifa kemkemu kutokana na ujasiri na ushupavu wake katika vita. Nami mchambuzi wako jasiri Joseph Ongong’a, ningependa nitumie beti chache za wimbo huo, hasa ninapoendelea kuandika makala hizi zinazohusu mashujaa wa imnai wa wakati huu, ambao wanaoteswa kwa ajili ya imani yao…..

Kabla ya kusonga mbele na hoja yangu, ningependa niwashukuru wasomaji wangu ambao wamekuwa wakifuatilia kwa karibu makala haya. Wiki iliyopita nilipokea jumbe kadha wa kadha kupitia simu yangu ya mkononi huku wengine wakadiriki kunipigia simu kwa kunipongeza kwa ujasiri wangu wa kueleza ukweli kuhusu wanaoteswa kwa ajili ya imani yao. Na baadhi walichangia mawazo yao wakinitaka nifanye marekebisho kidogo yaliyotokana na makosa ya kiufundi katika makala ya “BOKO HARAMU Tanuru linalomeza Wakristo Nigeria.” Napenda kukubaliana nao na kusahihisha kuwa, Wakristo walioko katika nchi hiyo wako upande wa Kusini na siyo Kaskazini kama ilivyosomeka.

Mwana Fizikia mmoja alitoa kanuni yake ya mwendo akisema: “Katika kila tendo kuna usawa na mkwaruzo au ukinzani, ule unaopingana na usawa. Alikwenda mbele zaidi kwakusema kuwa, “laiti kama kusingekuwepo na misuguano duniani watu wasingeweza kutembea juu ya uso wa dunia,” kungetokea utelezi ambao usingekuwa na ukomo wake. Huu usemi unadhihirisha wazi kuwa, migongano inaweza kuwa ni sehemu ya maendeleo.

Katika safari ya makala haya kuna baadhi waliojitokeza na kuniandikia ujumbe mfupi wa Maneno wakieleza kukereheka na makala haya yanayohusu mateso ya wafia imani(wakristo), wakinitaka niachane nayo mara moja, huku wengine wakinitishia maisha, mimi sintaogopa mabaya yote. Mfano mwenye simu namba 0655131955; aliandika ujumbe mrefu akisema; “Bwana Joseph, tatizo kubwa linaloikumba jamii yetu hasa wakristo, ni kutokuwa wakweli, huu mtindo wa kuandika habari za propaganda na uongo ndio zimefikisha mataifa mengi katika mauaji ya kutisha. Angalia madhalimu wa kiisraeli wanavyoua watu ovyo na watu wa aina yako hukaa kimya na muda mwingine kupongeza mauaji hayo, na hii ndio inayotukia hata hapa tz. Mmejazwa propaganda tu,” alisema na kuendelea: Marafiki zenu wa Kimarekani wameua mamilioni wangapi wa Kiislamu Iraq, Afghanistan, Pakistan, Somalia na kwingineko? Ujue amani haimbwi amani inatokana na haki kama kuna watu mnawadhulumu siku zote ipo siku wata kata tama na hapo huwa ni chanzo cha uvunjifu wa amani. Tz wanadhulumiwa waislamu kwenye elimu, mamlaka na mikataba ya upendeleo baina ya serikali na makanisa haya hamyazungumzi, hamuoni kama sehemu ya dhuluma, siku watu wakikata tamaa ni tatizo. Kataeni upendeleo huo na amani itakuja yenyewe.

Mwengine aliyeandika ni mwenye namba za simu: 0777842132; yeye naye alisema: Ww una chz 2. Wachana na BOKO HARAMU bwege nn?. Hizo ndizo ujumbe nilizopokea kati ya nyingi nilizotumiwa, unaweza ukapata picha kamili kwa sasa kile nilichoanza kukizungumzia tangu kuanza kwa makala hizi.

Damu na uhai wa wakristo eti unaangamizwa kwasababu ya hayo waliyojaribiwa kuyaelezwa hapo juu, mimi sioni kama kuna sababu ya msingi hapo hata kidogo. Mfano mzuri hebu soma habari ya mwanamke huyu, ambaye amepata majeraha ya kutisha kwenye mikono na viganja vyake baada ya kuunguzwa na mumewe kwakosa tu la kujiunga na ukristo. Je hapo kuna suala la elimu. Fikiria kwamba pamoja na mateso mwanamke huyo ameendelea kunga’ng’nia imani yake hiyo, huku akijitia moyo na maandiko yasemayo: Ni kitu gani kitatutenga na upendo wa Kristo? Je! Ni dhiki au njaa, au mateso au mavazi…… anasena hakuna hata kidogo! Rumi 8:35.

Ukweli ni kwamba Wakristo wanateswa, huku wakiendelea kutiwa moyo tu na maandiko kutoka katika kile wanachoamini kuwa, maisha yao siyo ya hapa duniani, kwani wao wanayachukulia mateso ya sasa kama kitu kinachotokea punde tu na kuwa wanayo matarajio makubwa zaidi na faraja watakayopata baada ya maisha haya ya mwili. “Wanaolia sasa watafutwa machozi yao, na wale wanaofurahi sasa na kutesa wenzao, kwa ajili ya haki, watalia na kusaga meno hapo baadaye.” Wiki ijayo nitakuletea makala inayomhusu mwanamke huyo kwa kina zaidi.