BOKO HARAM

Tanuru linalomeza

Wakristo Nigeria!

Mateso ya mwenye haki ni mengi, Lakini BWANA humponya nayo yote, Huifadhi mifupa yake yote (Zab.34:19),” Maneno haya kutoka katika Biblia takatifu, yanafaa sana kumtia moyo yule anayepitia kwenye majaribu kama daraja la kuvukia. Mara nyingi mistari hii imetumika katika kuonesha hisia au huzuni kwa yule anayekutana na adha fulani, hasa mwenye haki. Kwa Maneno hayo, nikualike sasa kwenye makala haya ili uungane nami Joseph Ongong’a kuwatia moyo na kuwaombea Wanaijeria wenzetu, walioko kwenye mateso makali ndani ya tanuru la BOKO HARAM…

Mateso ya kidini katika maeneo mengi ulimwenguni ni matukio ya kawaida sana katika historia ya binadamu. Kutukanwa, kudharauliwa au kuuawa kwa sababu ya kutofautiana kiimani, kukorofishana, kugishana au sababu yoyote ile, ni jambo la kwaida sana kwa jamii ya Wakristo hivi leo. Wakati kikundi cha fulani cha kidini kinapoamua kukiangamiza kingine kikidhani kuwa kufanya hivyo ni kutetea imani yake.

Wakati wa mateso haya ya kiimani yanapotokea mambo mengi huwa hujitokeza , isipokuwa tu katika nchi ambayo Serikali yake inamtazamo mzuri katika kuijali raia wake. Mara nyingi katika baadhi ya nchi makundi hatari dhidi ya zingine zimeibuka ambayo yamekuwa yakidai kuwa kwakutesa, kuchinja na kuteketeza kwa moto wenzao wa imani nyingine wanatekeleza amri ya mwenyezi Mungu.

Watu wa Mungu walioishi kipindi cha Agano la kale, Ibrahim, Nabii Musa na watumishi wengine, wakati Yesu Kristo na hata walioishi katika kipindi cha matendo ya mitume, waliopitia kwenye mateso mengi ya imani kulingana na wakati wao. Dunia, ardhi ileile walilolikalia baddo ipo, watu wema na waovu bado wapo, Wanaopenda na wasiopenda sheria ya Mungu wapo, hivyo mateso ya kiimani ni dhahiri na yanaendelea kamakawaida.

Zaidi ya miaka 10 kuanzia miaka ya 1990, Wanaigeria zaidi ya 12,000, wamepoteza maisha yao kutokana na vita vya kidini kati ya Wakristo na Waislamu. Nigeria ni nchi ambayo iko katika mikondo miwili, eneo la kusini ambalo linakaliwa na Waiuslamu na eneo la Kaskazini wanapokaa wale wa imani ya Kikristo. Kinachosikitika hapa ni pale mateso makali yanaelekezwa upande wa Kaskazini wanapoisha Wakristo.

Waumini wanalazimishwa na serikali kukutana katika vikundi vidogovidogo, ili kuepuka mashambulizi yanyoweza kufanywa dhidi yao . Wakati mwingine wamekuwa wakipigwa na kufungwa gerezani na wengine kufia huko.

Wakristo walioko Nigeria wanapita katika tanuru kali la moto kutoka kwa kundi hatari la BOKO HARAM, ambalo linakusudia kuifuta ukrtisto nchini humo. Kundi hilo ambalo linasadikika kuwa ni la Kiislamu lenye imani, limekuwa likifanya mauaji ya kutisha, kwa jamii ya Wakristio ikiwa ni pamoja na kuchoma majengo ya ibada kwakuyalipia mabomu.

Katika kutekeleza hazma yao ya kutaka kufuta ukristo nchini Nigeria, kundi hilo liliwateketeza kwa moto zaidi ya Wakriso 50, mbele ya Mchungaji, wao katika nyumba yake walipokutanika wakijificha na kufanya maombi kwa hofu ya kukamatwa. Katika shambulio hilo, lilimkumnba mama Mchungaji aliyeteketea vibaya na mtoto wake akiwa pembeni mwake. Baada ya shambulio hilo, Mchungaji wa kanisa hilo la Kipentekoste Rev. Dachollom Datiri, alinukuliwa akilalamikia serikali ya nchi hiyo kushindwa kudhibiti hali hiyo na kuwaacha Waislamu kuwashambulia Wakristo kila Jumapili, tena wakati wanapofanya Ibada ya kumtukuza Mungu wao.

“Tunaonewa sana, ibada zetu hazithaminiwi hata kidogo, tunashambuliwa, tena tukiwa ibadani, tuanuawa kila kukicha, na tumejaribu kujitenga lakini bado tunafwatwa na kuchokozwa, wakati sisi tukiwa kimya na wa pole,” alilalamika Mchungaji huyo.

Nigeria ni nchi iliyoko Afrika na taarifa kutoka mtandao wa haki za binadamu Marekani zinaeleza kuwa, nchi hiyo imekuwa ni taifa hatari kwa mauaji ya wakristo. Inasemekana mamia ya Wakristo wakiwemo wanawake na watoto wametekwa na kundi la Boko Haram. Hata hivyo kundi hilo limenukuliwa likisema: Tunawataka Wakristo wote mgeuke na kuwa Waislamu la! Hamtakuwa na amani kamwe katika maisha yenu (All Christians need to turn to Islam or 'they would never know peace again).' kilisema na kuongeza; Mpango wetu na mkakati wetu ni kuifanya nchi ya Nigeria kuongozwa na Shariah, na siyo vinginevyo.”

“Tuta hakikisha kwamba, tunawafukuza Wakristo wote waishio Kaskazini na kutangaza utawala wa Shariah ya kiislamu nchini Nigeria,” kilisema kikundi hicho.