Sakata la migogoro ya Ardhi Wananchi Manyoni kuandamana

Na Mwandishi wetu-Manyoni

Wananchi wa maeneo ya Majengo,na Kipondoda wilayani Manyoni Mkoani Singida wanatarajia kufanya maandamano makubwa kupinga hatua ya uongozi wa wilaya kuwanyang’anya maeneo yao na kuyauza kwa watu wengine huku wenye maeneo wakiachwa bila kupewa fidia yeyote.

Mkuu wa Wilaya ya Manyoni na baadhi ya Wananchi

Mwenyekiti anayeratibu maandamano hayo Bw.Ufinyu cheliga akiongea katka mahojina maalum alisema wanatarajia kufanya maandamano makubwa ya Amani kupinga kunyang’anywa maeneo yao ambayo wanayamiliki kihalali na wanatarajia kuwakilisha kilio chao hicho kwa Mkuu wa Mkoa wa Singida.

Alisema watampa kero zao na kumuomba awatimue kazi mkurugenzi wa wilaya,Afisa Ardhi na mwenyekiti wa Halmashauri kwa sababu hawa ndio tatizo kwenye mgogoro huu wa masuala ya Ardhi kwani wamejigawia maeneo mengi na wameshindwa kuwafidia wananchi wanaomiliki maeneo hayo.

Alipoulizwa ni kwa nini wapeleke kero kwa mkuu wa Mkoa wakati mkuu wa wilaya yupo.Bw.ufinyu alisema katika kikao chao na wananchi wamekosa imani na mkuu wa wilaya kwani wakati wa kujitambulisha walimkabidhi kero mbalimbali lakini mpaka hivi leo hakuna hata kero moja ambayo ameshaifanyia kazi hivyo “tunaona itakua ni mambo yale yale tu bora tumpe kero mkuu wa mkoa aweze kulishughulikia”.Fatma yaufiki.fotunata marya

Mkurugenzi wa wilaya ya manyoni Bi.Fotunata Marya alipotafutwa kwa simu yake ya 0784 224933 kujibu tuhuma za kutumia mamlaka yake vibaya kwa kujimilikisha viwanja simu iliita bila majibu na hata alipotumiwa ujumbe mfupi kujibu tuhuma ambazo wananchi wanamtuhumu hakuweza kujibu.

Naye mkuu wa Wilaya ya manyoni Bi.Fatma Toufiq akiongea katika mahojiano maalum alikiri kuwepo kwa migogoro ya Ardhi na tayari kero zote zimeshafika mezani kwake anazishughulikia na kuhakikisha anazimaliza.

Alipoelezwa juu ya kero ambazo wananchi wamempa na ameshindwa kuzitekeleza Bi fatma alisema “kero ambazo wamenipa ni nyingi wao hawaoni karibu kero nyingi ambazo wamenipa nimezitekeleza hivyo si kweli kwamba mimi nimepuuza bali naendelea kutatua kero moja baada ya nyingine na kuhusu suala la maandamano itakua si busara kwani tayari mambo wanayoyalalamikia wananchi nayafanyia kazi.