Watu 11 Dar wafa kwa kunywa Gongo

Na Salesi Malula

Watu 11 waishio maeneo ya Kigogo, Mbuyuni Jijini Dar es salaam, wamefariki Dunia baada ya kunywa pombe haramu aina ya Gogo, ambapo muuzaji wa gongo hiyo aliyelazwa katika Hospitali ya Amana iliyoko Ilala amepoteza maisha.

http://www.thehabari.com/wp-content/uploads/2012/07/Mtambo-wa-kutengeneza-pombe-aina-ya-gongo.jpg

Mwandishi wa Mtandao wa Wamoja akiongea na Mwenyekiti wa Serikali ya Mtaa wa Mbuyuni katika eneo la Tukio Bw.Mohamed Mnunga alisema, tukio la kufa kwa watu waliokunywa Pombe kwa mama aliyejulikana kwa jina la mama Ikima Bakari, lilijulikana baada ya mtu mmoja kufariki Dunia kutokana na kunywa Pombe hiyo ambapo kabla ya msiba kusafirishwa ndipo matukio ya watu kuzidiwa yalipoanza kujitokeza ambapo watu walikimbizwa katika Hospitari ya Amana kwa matibabu.

“Tukio hilo limesababisha watu 11 kufariki Dunia na hadi hivi sasa hata muuzaji wa Gongo hiyo aliyelazwa katika Hospitali ya Amana kwaajili ya matibabu amefariki,” alisema Mwenyekiti huyo

Kamanda wa Polisi Mkoa wa Kinondoni ACP Charles Kenyela alipoulizwa na Mtandao wa Jamii ya J&M; WAMOJA, juu ya tukio hilo alisema alithibitisha kutokea kwa tukio hilo na kusema kuwa uchunguzi zaidi unaendelea ili kubaini chanzo chake.

Wakati huo huo hofu imetanda kwa wakazi wa ameneo hayo ya Kigogo hasa wale wanywaji wa Pombe haramu ya Gongo ambao walikunywa kwenye klabu ya mama huyo, kuwa inawezekana watu wengi wakapoteza maisha kutokana na pombe hiyo kwani watu wengi waliinywa na kuwa yamkini maafa zaidi yakatokea.