MGOMO WA WALIMU WASITISHWA RASMI

Kufuatia mgomo wa walimu uliokuwa ukiendelea kote nchini wa kuishinikiza serikali iwatimizie walimu mahitaji yao yote, raisi wa chama cha walimu tanzania Gration Mkoba, amewataka walimu nchini kusitisha mgomo huo moramoja na kurejea kazini ili kuepuka mambo mbalimbali yanayoweza kuhatarisha amani yaanchi, ikiwa ni pamoja na kurudisha nyuma maendeleo ya elimu nchini.

Wanafunzi wa Shule ya Msingi Mugabe Manispaa ya Kinondoni jiji Dar es Salaam, wakiwa nje ya madarasa baada ya walimu kugoma kufundisha. (Picha na Samwel Thomas)

Raisi huyo ametoa kauli hiyo wakati wa mkuutano maalumu na wandishi wa habari , uliofanyika katika ofisi za chama hicho zilizopo moroco manispaa ya kinondoni, jijini Dar es Salaam.

Mkoba amebainisha kuwa, madai ya walimu yalikuwa ya haki, lakini hawana budi kusitisha mgomo huo, kutokana na hukumu iliyotolewa jana na Mahakama Kuu ya Tanzania Divisheni ya kazi, kuwataka wasitishe mgomo huo, hukuikiwahimiza kuwalipa fidia wanafunzi baada ya kutokea kwa mgomo huo.

Aidha akizungumzia suala la kuwalipa wanafunzi fidia ambao ndio wamekuwa waadhirika wakubwa wa mgomo huo, amesema kuwa wanasubiri kauuli ya serikali iseme ni kiasi gani kinatakiwa kufidiwa , ikiwa ni pamoja na kuwa na ufafanuzzi wa kutosha.

Akizungumzia suala la chama hicho kukata Rufaa,Rais huyo amesema kuwa, watakaachini na Mwanasheria wao, ili kufanya mazungumzo kwa lengo la kupata uamuzi wa kukata rufaa au kuto kata.

Mgomo wa walimu nchini ulioanza mapema wiki iliyopita , umefikia tamati leo baada ya raisi wa chama hicho , kutangaza rasmi kikomo cha mgomo huo, ambao kwa sehemu moja ama nyingine umepelekea wanafunzi kukosa haki yao ya msingi ya kupata elimu.

Samwel Thomas